Монгол шоочид баг
Үүсгэн байгуулагдав.
Mongolian Cubers Team
Бидний тухай
Үндэсний хэмжээний шилдэг тамирчдаас бүрдсэн "Монгол шоочид" баг
“Монгол шоочид” баг нь 2016 оноос хойш 10 жилийн хугацаанд тогтвортой үйл ажиллагаа явуулж, олон улсын стандартын дагуу бэлтгэл хийдэг мэргэжлийн шооны баг юм.
Манай багийн бүрэлдэхүүнд Монгол улсын аварга, Монгол улсын Рекорд эзэмшигчид, залуу авьяаслаг шоочид болон туршлагатай багш, дасгалжуулагчид багтдаг.
Cubeverse academy нь Монгол шоочид багийн багш, дасгалжуулагч нар ирээдүйн шилдэг тамирчдыг бэлтгэх, танхимын богино болон урт хугацааны сургалтыг зохион байгуулах, танхимаар сургалт авах боломжгүй хүүхэд, залуусыг онлайн орчинд мэргэжлийн сургалтаар хангах зорилгоор үүсгэн байгуулагдаад байна.
Бидний онцлох давуу талууд
Манай багийн үйл ажиллагаа тогтвортой, хүүхэд бүрт ээлтэй сургалттай.
Манай багийн тамирчид
Улсын рекордуудыг эзэмшдэг, Олон улсын чансаанд багтсан тамирчид төдийгүй WCA буюу Дэлхийн шооны холбооны албан ёсны тэмцээнүүдэд тогтмол оролцдог.
Бидний замнал
2016 оноос хойш 10+ жилийн түүхтэй, өнөө цагийн Монголын хамгийн том мэргэжлийн шооны баг юм.
Хүүхэд бүрийн онцлогт тохирсон сургалтын арга барил
Рубик шооны анхан, дунд шатны болон мэргэжлийн түвшний сургалтыг 13 жил хүртэлх хугацаанд шооны спортоор хичээллэж, 10 жилийн турш тасралтгүй заасан мэргэжлийн багш, дасгалжуулагч нарын удирдлага дор чанарын өндөр түвшинд зохион байгуулна.
CubeVerse and Mongolian Cubers Team Timeline
Бидний сонирхлоороо нэгдэж нэг гэр бүл болсон 10 жил
Анхны албан ёсны Олон улсын тэмцээн
Багийн 8 тамирчин 4 эцэг эхийн хамт анхны том тэмцээн болох Азийн аварга шалгаруулах тэмцээнд оролцов. Багийн үүсгэн байгуулагч, ахлагч Б.Есүхэй 2х2х2 шооны Финалын шатанд шалгарахын зэрэгцээ Шилдэг оролцогчийн шагнал хүртэв. Багийн тамирчид шооны 9 төрөлд Монгол улсын 18 дээд амжилтыг шинэчлэн тогтоов.
2 дахь Олон улсын тэмцээн
Багийн ахлагчийн хамт 4 тамирчин оролцож Монгол улсын 9 дээд амжилтыг шинэчлэн тогтоож 1 мөнгө, 1 хүрэл медаль хүртэв.
Mongolia 2017
Монголд удаан хугацаанд албан ёсны тэмцээн зохион байгуулагдаагүй байсан бөгөөд 4 жилийн дараагаар анхны дэлхийн шооны албан ёсны тэмцээнд Монгол шоочид багийн тамирчид оролцож 4 алт, 6 мөнгө, 7 хүрэл медаль хүртэв.
Mongolia 2018
Монгол улсын аварга шалгаруулах 2018 тэмцээнд Монгол шоочид багийн тамирчид оролцож 6 алт, 7 мөнгө, 7 хүрэл медаль хүртэв.
ОХУ-д 2 тэмцээнд оролцов
Монгол шоочид багийн үүсгэн байгуулагч Б.Есүхэй, багш дасгалжуулагч Б.Ууганбаяр, С.Бат-Эрдэнэ нар ОХУ-г зорив. Нийтдээ Монгол улсын 6 дээд амжилтыг шинэчлэн тогтоож, 15 медаль хүртэв. Эрхүү хотод зохиогдсон Baikal Cubing 2018 тэмцээнд багийн ахлагч Б.Есүхэй түрүүлж, Томск хотод зохиогдсон тэмцээнд 2-р байр эзлэв.
2019 оны Монгол улсын аварга шалгаруулах тэмцээнээс
3 алт, 4 мөнгө, 1 хүрэл медаль хүртэж С.Бат-Эрдэнэ Мегаминкс шооны төрөлд 3 удаа Монгол улсын дээд амжилтыг шинэчлэн тогтоов.
Ковидын улмаас
тэмцээн уралдаанууд цуцлагдав.
2022 оны Монгол улсын аварга шалгаруулах тэмцээнээс
1 алт 3 мөнгө 8 хүрэл медаль хүртэв
MR Cup 2023 тэмцээн
MR Puzzle shop санаачлан Монгол шоочид баг хамтран албан бусаар анхны том тэмцээнээ амжилттай зохион байгуулав.
Дэлхийн аваргын тэмцээн
Монгол шоочид багийн 7 тамирчин амжилттай оролцов.
2023 оны Монгол улсын аварга шалгаруулах тэмцээнээс
3 алт, 2 мөнгө, 4 хүрэл медаль хүртэв.
MR Ulaanbaatar 2024 тэмцээн
MR Puzzle shop санаачлан Монгол шоочид баг хамтран жил бүр уламжлал болгон явуулдаг тэмцээнээ 2 дахь удаагаа амжилттай зохион байгуулав. Тус тэмцээнийг Дэлхийн шооны холбоотой хамтран шооны 7 төрлөөр зохион байгуулав. Багийн тамирчид 1 алт, 3 мөнгө, 4 хүрэл медаль хүртэв.
2024 оны Монгол улсын аварга шалгаруулах тэмцээнээс
3 алт, 3 мөнгө, 5 хүрэл медаль хүртэв. Монгол шоочид багаас анхны Монгол улсын аваргаар Н.Гэгээнбилэг шалгарав. Б.Халиун Гурвалжин шооны нэг удаагийн улсын дээд амжилтыг 1.59 сек болгон шинэчлэв.
Ази тивийн аварга шалгаруулах тэмцээн
Малайз улсын Путражаяа хотод зохион байгуулагдсан ААШТ-нд Монгол шоочид багийн 7 тамирчин амжилттай оролцов.
Beijing summer 2025
БНХАУ-ын Бээжин хотод зохион байгуулагдсан нээлттэй тэмцээнд Монгол шоочид багийн 7 тамирчин амжилттай оролцов. Багийн тамирчин Ж.Улсболд Цаган шооны төрөлд Мөнгөн медаль хүртэв. Гурвалжин шооны төрөлд Б.Халиун, Ташуу шооны төрөлд Б.Ууганбаяр нар Финалын шатанд шалгарав.
Дэлхийн аварга шалгаруулах тэмцээн 2025
АНУ-ийн Сиатл хотод зохион байгуулагдсан Дэлхийн аварга шалгаруулах тэмцээнд Монгол шоочид багийн тамирчин Б.Мөнхтайван, М.Чингүүн нар амжилттай оролцов
2025 оны Монгол улсын аварга шалгаруулах тэмцээнээс
3 алт, 3 мөнгө, 7 хүрэл медаль хүртэв. Багийн тамирчин Ж.Улсболд Цаган шооны Монгол улсын дундаж дээд амжилтыг 3,55 сек болгон шинэчлэн тогтоов. Тус амжилт нь 2026 оны 02 сарын байдлаар Ази тивийн чансааны 19, Дэлхийн чансааны 109-р байрт эрэмбэлэгдэж байна. Багийн тамирчин Б.Халиун Гурвалжин шооны Монгол улсын дундаж дээд амжилтыг 1,77 сек болгон шинэчлэн тогтоов. Тус амжилт нь 2026 оны 02 сарын байдлаар Ази тивийн чансааны 14, Дэлхийн чансааны 54-р байрт эрэмбэлэгдэж байна.
MR Ulaanbaatar 2025 тэмцээн
MR Puzzle shop санаачлан Монгол шоочид баг, Дэлхийн шооны холбоотой хамтран 3 дахь удаагаа амжилттай зохион байгуулав. 6 төрлөөр зохион байгуулсан тус тэмцээнээс Монгол шоочид багийн тамирчид 3 алт, 4 мөнгө, 3 хүрэл медаль хүртэв. Багийн тамирчин Ж.Улсболд нь Ташуу шооны Монгол улсын дундаж дээд амжилтыг 3.02сек, Цаган шооны Монгол улсын нэг удаагийн дээд амжилтыг 2,86 сек болгон шинэчлэн тогтоов. Цаган шооны амжилт нь 2026 оны 02 сарын байдлаар Ази тивийн чансааны 23-р байр, Дэлхийн чансааны 153-р байрт эрэмбэлэгдэж байна. Багийн тамирчин Д.Мандах 2х2х2 шооны Монгол улсын дундаж дээд амжилтыг 1.86 сек болгон шинэчлэн тогтоов. Тус амжилт нь 2026 оны 02 сарын байдлаар Ази тивийн чансааны 145-р байрт эрэмбэлэгдэж байна.
Монгол шоочид багийн тамирчид 10 жилийн ойгоо тэмдэглэв.
10 жилийн хугацаанд Дэлхийн шооны холбооны албан ёсны тэмцээнүүдийн үндсэн төрлүүдээс 51 алт, 75 мөнгө, 81 хүрэл нийт 207 медаль хүртэж 8 төрөлд 35 удаа УЛСЫН ДЭЭД АМЖИЛТ-ыг шинэчлэн тогтоожээ. Энэ бүх амжилт маань багийн нийт тамирчид, дасгалжуулагч багш нар, эцэг эхчүүд та бидний 10 жилийн хамтын хөдөлмөрийн үр дүн юм. Тив, дэлхийн рекордууд бидний өмнө байна...
Монгол шоочид баг
Манай шилдэг тамирчид
Болортуяа овогтой Халиун
Гурвалжин (Pyraminx) шооны Монгол улсын РЕКОРД эзэмшигч
Б.Халиун нь 2026 оны 02 сарын байдлаар 4 удаа Монгол улсын Рекордыг шинэчлэн тогтоосон ба Гурвалжин шооны Монгол улсын Дундаж дээд амжилт (Average)-ыг 1.77sec, Монгол улсын нэг удаа эвлүүлсэн дээд амжилт (Single)-ыг 1.30sec-ээр эзэмшиж байна. 2024 оны Пираминкс шооны Монгол улсын ДЭД АВАРГА, 2025 оны Пираминкс шооны Монгол улсын АВАРГА
Даваасүрэн овогтой Мандах
2х2х2 шооны Монгол улсын РЕКОРД эзэмшигч
Д.Мандах нь 2026 оны 02 сарын байдлаар 1 удаа Монгол улсын Рекордыг шинэчлэн тогтоосон ба 2х2х2 шооны Монгол улсын Дундаж дээд амжилт (Average)-ыг 1.86sec-ээр эзэмшиж байна. 2025 оны 2х2х2 шооны Монгол улсын ДЭД АВАРГА
Жавхлантөгс овогтой Улсболд
Ташуу шоо (Skewb), Цаган шоо (Clock)-ны Монгол улсын РЕКОРД эзэмшигч
Ж.Улсболд нь 2026 оны 02 сарын байдлаар 3 удаа Монгол улсын Рекордыг шинэчлэн тогтоосон ба Ташуу шооны Монгол улсын Дундаж дээд амжилт (Average)-ыг 3.02sec, Цаган шооны Монгол улсын Дундаж дээд амжилт (Average)-ыг 3.55sec, Цаган шооны Монгол улсын нэг удаа эвлүүлсэн дээд амжилт (Single)-ыг 2.86sec-ээр эзэмшиж байна. 2024, 2025 оны Цаган шооны Монгол улсын АВАРГА
Наранчимэг овогтой Гэгээнбилэг
2024 оны Монгол улсын АВАРГА, 2х2х2 шооны Монгол улсын РЕКОРД эзэмшигч
Н.Гэгээнбилэг нь 2026 оны 02 сарын байдлаар 1 удаа Монгол улсын Рекордыг шинэчлэн тогтоосон ба 2х2х2 шооны Монгол улсын нэг удаагийн дээд амжилт (Single)-ыг 0.85sec-ээр эзэмшиж байна. 2023, 2024, 2025 оны Монгол улсын аварга шалгаруулах тэмцээний 2х2х2 шооны төрөлд тус тус 3-р байр, 2024 оны Монгол улсын АВАРГА, 2025 оны Монгол улсын ДЭД АВАРГА
Танхимын сургалтад хамрагдсан
100
+
Онлайн сургалтад хамрагдсан
0
+
Зохион байгуулсан тэмцээн, эвент
0
+
Шооны сургалтын туршлага
0
жил
Taнд ч бас боломж бий!
Монголын шилдэг тамирчидтай хамтдаа хөгжиж, түвшин ахихад бэлэн үү!
Хөгжих хүсэл эрмэлзэлтэй, тууштай, шаргуу хичээллэдэг хүүхэд бүрт манай үүд хаалга үргэлж нээлттэй байна. Манай сургалтад хамрагдсанаар та олон төрлийн ур чадваруудыг эзэмшихийн зэрэгцээ:
- Суралцах арга барилаа олно.
- Зөв, цэгцтэй, системтэйгээр суралцахын давуу талыг мэдэрнэ.
- Үе тэнгийн найзуудтайгаа хамтдаа хөгжихийн зэрэгцээ тэднээс суралцах, тэдэнд өөрийн мэддэг зүйлийг хуваалцах зэргээр нийгмийн харилцаанд эерэг хандлагатайгаар оролцож сурна.
- Дэлхийн шооны холбооны албан ёсны тэмцээнүүдэд мэргэжлийн тамирчид, багш, дасгалжуулагчдын хамт оролцоно.
Google